hraparak.am
Ոչ մի ուժ չի´ կարող մեզ ընկճել, ճզմել, եթե մեր հավատքը խարսխված է մեր Տիրոջ հարության հաղթանակի վրա, զատկական քարոզի ժամանակ այս մասին ասել է Տավուշի թեմի առաջնորդ Տեր Բագրատ արքեպիսկոպոս Գալստանյանը։
«Հարության ավետիսով՝ մեր հայացքը ուղղելով դեպի մեր նահատակ զավակները, իրենց ընտանիքները, ուխտ կնքենք երկնքի և երկրի առջև վերստին մեր կյանքը դարձնել հարության և հաղթանակի կյանք: Հարության հաղթանակի ավետիսը մեր որբացած Արցախ աշխարհին: Մենք կամ կնույնանանք Հարության հաղթանակի հետ կամ գերեզմանի»,- նշել է նա:
«Ի՞նչ պատգամ ունեմ ես, որ ապրում եմ հարության հաղթանակի խորհրդի մեջ․․․ Սաղմոսի բառերն են վազում մտքիս առջևով՝ թեպետ ընթանամ մահվան հովիտներով, չեմ վախենա չարից, որովհետև Տեր, Դու ինձ հետ ես․․․ Սա հաստատակամ համոզում է և այդպիսին պիտի դառնա մեզ համար, ժողովուրդ, եթե իսկապես մենք ուզում ենք մաքրված, վերափոխված ազգ դառնալ, ո՛չ թափառական՝ թե՛ մտքով, թե՛ հոգով, թե՛ ֆիզիկապես, ո՛չ սովորական, ո՛չ փողոցայնացած, ո՛չ վարքազրկված, ո՛չ արժեզրկված, ո՛չ գաղափարազրկված, ո՛չ հայրենազրկված և ո՛չ էլ Աստվածազրկված»,- ասել է Սրբազանը:
