hraparak.am
Վերջերս լսում էի Հայ առաքելական եկեղեցու Շիրակի թեմի առաջնորդ Միքայել արքեպիսկոպոս Աջապահյանի խոսքը՝ մի խումբ ընդդիմադիր գործիչների հետ հանդիպման ժամանակ: Սրբազանի խոսքը շատ խորն էր, անկեղծ եւ համարձակ: Նա խոսում էր Հայաստանում իշխանափոխության անհրաժեշտության մասին, եւ այդ հարցում նրա հետ հնարավոր չէ չհամաձայնել, նրա բերած բոլոր հիմնավորումներն այն մասին, որ Փաշինյանի իշխանությունը Հայաստանը տանում է կործանման կամ արդեն իսկ կործանել է, բացարձակ ճշմարտություն են: Նա խոսում էր այն մասին, որ կա իշխանափոխության երեք ճանապարհ, բայց այդ երեքն էլ դատապարտված են ձախողման` ընտրություններ, հեղափոխություն եւ ապստամբություն: Սրբազանը հեղափոխությունն առանձնացրել էր ապստամբությունից՝ նկատի ունենալով, որ հեղափոխությունը կարող է լինել եւ առանց բռնության, այնպես, ինչպես 2018 թվականին, ինչն իրականում ոչ թե հեղափոխություն էր, այլ հակասահմանադրական հեղաշրջում` շատ հմուտ բեմականացված: Բայց խոսքը դրա մասին չէ, այլ թե ինչու Հայաստանում տեղի չի ունենում իշխանափոխություն, եւ ինչու են դրա բոլոր հնարավորությունները դատապարտված ձախողման:
