Գոհունակութեամբ կը հաղորդենք Թեմիս համայն հաւատացեալներուն, թէ 2003 թուին Գերշ. Տ. Յովնան Արքեպիսկոպոս Տէրտէրեանին Արեւմտեան Թեմի Առաջնորդ ընտրուելէն ետք, Թեմիս առաքելութիւնը ծաւալեցաւ, նոր Ծուխեր հաստատուեցան, երիտասարդ քահանաներ ձեռնադրուեցան, կատարուեցան մեծ թիւով հրատարակութիւններ, պաշտօնի համար տարբեր Թեմերէն հոգեւորականներ հրաւիրուեցան, Ամառնային Ճամբարը նոր ծրագիրներ մշակեց, զօրացաւ երիտասարդաց կազմակերպութիւնը եւ ուխտագնացութիւնները բազմացան դէպի Մայր Հայրենիք եւ Սուրբ Երկիր՝ Երուսաղէմ։
