«Արմենիա» ՀԸ վերջերս ներկայացրեց «Հայը» տեսաֆիլմը, որի առանցքը հայն է ու համաշխարհային պատմության մեջ նրա ունեցած դերը։ Տեսաֆիլմում հեղինակը նկատում է՝ հայերը կարևոր դիրք են ունեցել համաշխարհային առևտրային, գործարար, քաղաքաշինական կյանքում: Նրանց ճարտարապետական հետքն այսօր էլ նկատվում է աշխարհի քաղաքներում:
«Հայը» ֆիլմը պատմում է նաև Հայաստանում միլիոնների ներդրում ունեցած, գիտակրթական, հոգևոր ու մշակութային ժառանգության պահպանման մեջ իր մեծ ավանդն ունեցող, շուրջ 20 տարի գործունեություն ծավալող «Տաշիր» բարեգործական ընկերության մասին, որի հիմնադիրը ռուսաստանաբնակ հայ գործարար Սամվել Կարապետյանն է:
