Համարը N 55 Տեսակը Մայր
Տիպը Որոշում Կարգավիճակը Գործում է
Սկզբնաղբյուրը ՀՀՊՏ 24.02.98./4(37) Ընդունման վայրը Երևան
Ընդունող մարմինը ՀՀ կառավարություն Ընդունման ամսաթիվը 05.02.1998
Ստորագրող մարմինը ՀՀ Վարչապետ Ստորագրման ամսաթիվը 05.02.1998
Վավերացնող մարմինը ՀՀ Նախագահի պաշտոնակատար Վավերացման ամսաթիվը 05.02.1998
Ուժի մեջ մտնելու ամսաթիվը 05.02.1998 Ուժը կորցնելու ամսաթիվը

ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ՀԱՅԱՍՏԱՆՅԱՅՑ ԱՌԱՔԵԼԱԿԱՆ ԵԿԵՂԵՑՈՒՆ ՎԱՆՔ ԵՎ ԵԿԵՂԵՑԻՆԵՐ ՀԱՆՁՆԵԼՈՒ ՄԱՍԻՆ

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀի պաշտոնակատար Ռ. Քոչարյան
5 փետրվարի 1998 Թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

5 փետրվարի 1998 թվականի N 55
քաղ. Երևան

ՀԱՅԱՍՏԱՆՅԱՅՑ ԱՌԱՔԵԼԱԿԱՆ ԵԿԵՂԵՑՈՒՆ ՎԱՆՔ ԵՎ ԵԿԵՂԵՑԻՆԵՐ ՀԱՆՁՆԵԼՈՒ ՄԱՍԻՆ

Հաշվի առնելով Հայաստանի Հանրապետության կրոնի գործերի պետական խորհրդի առաջարկությունը համաձայնեցված Հայաստանի Հանրապետության մշակույթի, երիտասարդության հարցերի և սպորտի նախարարության հետ, Հայաստանի Հանրապետության կառավարությունը որոշում է`

1. Պետական սեփականություն հանդիսացող պատմության և մշակույթի հանրապետական նշանակության հուշարձան Լոռու մարզի Սանահինի վանքը և Դսեղ գյուղի Սուրբ Գրիգոր Լուսավորիչ, Գարգառ գյուղի Սուրբ Հովհաննես, Ջրաշեն գյուղի Սուրբ Աստվածածին, Տավուշի մարզի Նոյեմբերյան քաղաքի Սուրբ Սարգիս տեղական նշանակության եկեղեցիները սեփականության իրավունքով անհատույց հանձնել Հայաստանյայց Առաքելական եկեղեցուն:

2. Հայաստանի Հանրապետության մշակույթի, երիտասարդության հարցերի և սպորտի նախարարությանը` մեկամսյա ժամկետում Հայաստանյայց Առաքելական եկեղեցու Գուգարաց թեմի հետ համատեղ ավարտել նշված վանքի և եկեղեցիների սահմանված կարգով հանձնման-ընդունման աշխատանքները:

3. Հայաստանի Հանրապետության մշակույթի, երիտասարդության հարցերի և սպորտի նախարարությանն ու Լոռու, Տավուշի մարզպետներին երկամսյա ժամկետում Հայաստանյայց Առաքելական եկեղեցու Գուգարաց թեմի հետ համատեղ ապահովել նշված վանքի և եկեղեցիների հողատարածքների սահմանների ճշտումը և սահմանված կարգով ձևակերպումը:

4. Սույն որոշումն ուժի մեջ է մտնում 1998 թվականի փետրվարի 5-ից:

Հայաստանի Հանրապետության վարչապետ Ռ. Քոչարյան