«Իրավունքը» անդրադարձել էր Փաշինյանի` Սիսիան այցին, մասնավորապես, որ մտել էր Սիսիանի եկեղեցի` մոմ վառելու: Երբ Սիսիանի Սուրբ Գրիգոր Լուսավորիչ եկեղեցու սպասավոր տեր Պարգեւ քահանա Զեյնալյանը հրաժարվեց սեղմել Փաշինյանի ձեռքը` ի պատասխան ձեռքով եկեղեցու դուռը ցույց տալով: Դրանից հետո համացանցում տեսանյութ հայտնվեց, որտեղ երեւում է` մի շարք մարդիկ շտապում են եկեղեցի քահանայի հետ հաշվեհարդար տեսնելու:
Նկատենք, որ սա երկրորդ աղմկահարույց դեպքն է վերջին շրջանում` Մարտունու քահանայի դեպքից հետո, երբ իշխանական թեւին սատարող մի խումբ շարժվում է եկեղեցու ուղղությամբ` այնտեղից քահանային դուրս շպրտելու նպատակով:
