Երբ Հայաստանի նախկին վարչապետ Հրանտ Բագրատյանը խոսեց եկեղեցական բարեկարգության խնդիրների մասին, Մայր Աթոռի խոսնակ Վահրամ քահանա Մելիքյանը խորհուրդ տվեց հարգված քաղաքական եւ պետական գործչին ճնշումը չափել, մինչդեռ կյանքը ցույց տվեց, որ ժամանակն է, որպեսզի Վահրամ քահանա Մելիքյանը, գոնե ասի՝ Բագրատյանը ճիշտ էր, ես սխալվեցի։
Ինչեւէ։
Չխորանալով ամիսներ առաջ տեղի ունեցած դեպքերի մանրամասների մեջ, նշենք միայն, որ Առաքելական եկեղեցում բարեկարգության հարցը արդեն չափազանց մեծ հրատապությամբ է դրված, այն աստիճան, որ եկեղեցական բարեկարգության հարցը դադարել է լինել զուտ ներեկեղեցական հարց եւ վերաճել է ՀՀ ազգային անվտանգության հարցի, քանի որ ըստ Հայաստանի ազգային անվտանգության ռազմավարական հայեցակարգային փաստաթղթերի՝ Առաքելական եկեղեցին ազգային անվտանգության բաղադրիչներից մեկն է։
Վերջին օրերին Նոր Հայաստան-Նոր Հայրապետ շարժման պահանջները ուսումնասիրելով, կարող ենք հստակ արձանագրել, որ բոլոր պահանջները իրականության հստակ արտացոլումն են։
