Մեր զրուցակիցն է «Ակոս» շաբաթաթերթի հայկական բաժնի խմբագիր Բագրատ Էստուկյանը
Պարոն Էստուկյան, Պոլսո պատրիարքական աթոռի շուրջ անորոշությունը շարունակվում է, և Արամ արքեպիսկոպոս Աթեշյանը խորհուրդ է տալիս պատրիարքի ընտրությունների հարցում աշխատել իշխանությունների հետ։ Ի՞նչ է սա նշանակում։
Համայնքն անհամբերությամբ և ինչ-որ տեղ որոշակի համակերպումով սպասում է, որովհետև, ինչպես հիշում եք, Սբ. Փրկիչ հիվանդանոցի հոգաբարձուների ատենապետ Պետրոս Շիրինօղլուն սահմանադրական հանրաքվեից առաջ հանդիպել էր նախագահ Էրդողանին, ով խոստացել էր սահմանադրական հանրաքվեից հետո զբաղվել Պոլսո պատրիարքական ընտրությունների հարցով։
