Լոնդոնի կենտրոնում ցուցարարների թիվն աստիճանաբար ավելացել է և այն բանից հետո, երբ մի ադրբեջանցի կին վազելով գնացել ու հայերից մեկի ձեռքից խլել է պաստառը, ցույցը վերածվել է ծեծկռտուքի։
Լոնդոնի կենտրոնում բախում է տեղի ունեցել ՀՀ դեսպանատան մոտ ցույց անցկացնող ադրբեջանցիների և հայերի միջև։ Ցույցը մեկնարկել էր ժամեր առաջ։ Աստիճանաբար ցուցարարների թիվն ավելացել է, ցույցն էլ վերածվել ծեծկռտուքի։
Լոնդոնի ՀՅԴ երիտասարդական միության տարածած տեսանյութում երևում է, թե ինչպես հանկարծակի «Հայաստան» վարկարկող երիտասարդների վրա հարձակվում են ադրբեջանցի ցուցարարները։
Ադրբեջանուհի մի աղջիկ ցուցարարների շարքից դուրս է վազում, մոտենում հայերին, խլում նրանցից մեկի ձեռքից պաստառն ու քաոսային իրավիճակ ստեղծում։
And then they call us the aggressors? Right in front of the Armenian Embassy in London. Look at that Azeri dog who came to the Armenian side and ripped the poster from someone’s hand in order to cause chaos. pic.twitter.com/SUouGuCm3m
— Grigor (@GrigorKupelian) July 17, 2020
Sputnik Արմենիայի հետ զրույցում Մեծ Բրիտանիայում և Իռլանդիայում հայոց թեմի առաջնորդ Հովակիմ եպիսկոպոս Մանուկյանը նշեց, որ Լոնդոնի կենտրոնում իրավիճակն այս պահին արդեն հանգիստ է:
«Մեր կողմից տուժածներ չկան, ադրբեջանցիների կողմից` չգիտեմ»,-նշեց սրբազանը:
Ավելի վաղ հաղորդել էինք՝ ադրբեջանցիները «պաշարել են» Լոնդոնի կենտրոնական թաղամասերից մեկում գտնվող ՀՀ դեսպանատունը։ Մեծ Բրիտանիայում և Իռլանդիայում Հայոց թեմի առաջնորդ Հովակիմ եպիսկոպոս Մանուկյանը Facebook-ի իր էջում տեսանյութ էր հրապարակել, որում նշել էր, թե հայերը պաշտպանում են դեսպանատունը ցուցարար ադրբեջանցիներից։
