lragir.am   (9.06.2018)

Թավշյա հեղափոխությանը զուգահեռ Հայաստանում ու սփյուռքում սկսվեց կաթողիկոսի հրաժարականը պահանջող «Նոր Հայաստան, նոր հայրապետ» շարժումը: Երեկ Գրիգոր Լուսավորիչ եկեղեցու բակում նույնիսկ բախում եղավ կաթողիկոսի կողմնակիցների ու շարժման մասնակիցների միջեւ:

Կաթողիկոսին մեղադրում են զանազան երկրային մեղքերի մեջ՝ սկսած հայհոյախոսությունից վերջացրած ստվերային բիզնեսով: Գարեգին Բ-ի օրոք Առաքելական եկեղեցին դարձել է քրեա-օլիգարխիայի համակարգի մի մասը եւ իր արտոնյալ վիճակն օգտագործելով՝ մասնակից է օլիգարխիայի փողերի լվացմանը եւ ստվերային հոսքերին: Բացի այդ, գործերը լավ չեն նաեւ հոգեւոր ոլորտում, եկեղեցին կտրվել ու չի ապրում իր հոտի հոգսերով, իսկ առանց առողջ եկեղեցու հնարավոր չէ առողջ պետություն, ասում են նրանք:

Խնդիրները նոր չեն, տարբեր տարիների դրանք բարձրաձայնվել են: Ներկայում շարժման մասնակիցները շանս են տեսել փոփոխություններ կատարելու՝ կաթողիկոսի հրաժարականի միջոցով:

Գարեգին Բ-ն ու եկեղեցական վերնախավի զգալի մասը բնականաբար չեն ընդունում այդ պահանջն ու մեղադրանքները եւ կարծում են, որ զգալի ռեսուրս ունեն պահպանելու իրենց դիրքերը: Իսկ անհրաժեշտության դեպքում նաեւ՝ «գրոհային» կարողություն:

Ամբողջական տեքստ