Օսմանյան կայսրության ցեղասպան քաղաքականության զոհ դարձան ոչ միայն հայերը, այլև հույները, ասորիներն ու եզդիները։
Այսօր ասորիների ցեղասպանության զոհերի հիշատակի օրն է։ Հայոց ցեղասպանության թանգարան-ինստիտուտը հիշատակի օրվա կապակցությամբ մի շարք տեղեկություններ ու փաստեր է հրապարակել։
Առաջին համաշխարհային պատերազմի ընթացքում Օսմանյան կայսրության ցեղասպան քաղաքականության զոհ դարձան ոչ միայն հայերը, այլ կայսրության քրիստոնյա մյուս փոքրամասնությունները՝ հույները, ասորիները, ինչպես նաև եզդիները:
«Ասորիների կոտորածներն ու տեղահանությունները, որոնք հիմնականում տեղի ունեցան 1915 թ․հունիս-հոկտեմբեր ամիսներին, տարբեր հաշվարկներով խլեցին 500 -750 հազար մարդու կյանք»,- նշված է հրապարակման մեջ։
