Տավուշի մարզի Աչաջուր համայնքի Մակարավանք վանական համալիրից գողություն է կատարվել։ Այս մասին հայտնում է shamshyan.com-ը։
Ոստիկանության Իջևանի բաժին է դիմել Մակարավանքի քահանա Տեր Արշավիրը և հայտնել, որ դեկտեմբերի 14-ից 15-ն ընկած ժամանակահատվածում անհայտ անձը կամ անձինք համալիրի դռան փականը կոտրել են, մտել ներս և այնտեղից գողացել արծաթե մոմակալներ, իսկ հետո կոտրել հանգանակության գանձանակը և հափշտակել այնտեղ եղած գումարը:
