Միլիարդատեր, Huntsman Corp. ընկերության ղեկավար Ջոն Հանթսմանը` Ռուսաստանում ԱՄՆ դեսպան Ջոն Հանթսման կրտսերի հայր, մահացել է:
Միլիարդատեր և բարերար Ջոն Հանթսմանը` Մոսկվայում ԱՄՆ դեսպանի հայրը, մահացել է 80 տարեկանում։ Այս մասին հայտնել է մահացածի որդին` Փիթերը, որը Հանթսմանի անվան քաղցկեղի հետազոտման կենտրոնի ղեկավարն է:
«Մեր հիմնադրի և նախագահի հիշատակը հարգելու լավագույն միջոցը նրա գործն ու հայեցակարգերը շարունակելն է, մինչև չհասնենք մեր նպատակին` քաղցկեղի վերացմանը», — ասել է Փիթեր Հանթսմանը։ Նրա գրավոր հայտարարությունը տարածել է Desert News թերթը:
Հանթսմանը նաև գումար էր հատկացնում անօթևան մարդկանց խնդիրները լուծելու համար և մոտ 50 մլն դոլար էլ նվիրաբերել է 1988 թվականին Հայաստանում տեղի ունեցած երկրաշարժից տուժածներին:
