Ստամբուլի և ընդհանրապես Թուրքիայի հայերը պետք է զգույշ և շրջահայաց լինեն հատկապես այսօր, երբ այդ երկրում փորձում են վերածնել յաթաղանի դիկտատը։ Սակայն այսպես կոչված արքեպիսկոպոս Աթեշյանը շողոքորթության բոլոր հնարավոր ռեկորդները սահմանել է, համոզված է Sputnik Արմենիայի սյունակագիր Ռուբեն Գյուլմիսարյանը։
Արքեպիսկոպոս Արամ Աթեշյանի (ամեն ինչի գործչի, միայն ոչ հայկական եկեղեցու) մասին գրել ու խոսվել է այնքան, որ այդ անձնավորությանը ներկայացնելու կարիք այլևս չկա։ Աթեշյանը վաղուց է անցել թույլատրելիի սահմանը, մնում է միայն, որ նա շարունակի իր ազատ անկումը, որը կավարտվի նրա երկրային կյանքի ավարտից հետո։
