Մայր Աթոռը լռում է
Արցախում աղետ է: Էթնիկ զտման, ցեղասպանության ականատեսն ենք… Պատերազմը շարունակվում է: Հայաստանում քաոս է: Բողոքի ալիքն օրեցօր աճում է, ներքաղաքական ճգնաժամը ժամ առ ժամ հասունանում: «Փրկիչների» շքերթ է… Իրական առաջնորդ չկա: Ինքնաբուխ հավաքները երբեմն վերածվում են վտանգավոր բռնկման: Մայրաքաղաքում ամենուրեք իրականացվում են անհնազանդության ակցիաներ, փողոցները պարալիզացվում են, կաթվածահար անելով մայրաքաղաքի ողջ երթևեկությունը:
Մեծի Տանն Կիլիկիո կաթողիկոս Արամ Ա-ն հանդես է եկել «Համազգային զորաշարժի» կոչով: Վերջինս իր զորակցութունը հայտնելով Արցախի ժողովուրդի ինքնորոշման իրավունքին՝ հորդորում է համայն հայությանը ոտքի կանգնել, միավորվել, ընդվզել: Միաժամանակ նա հոգևոր, քաղաքական, պետական ղեկավարների հանդիպումներ է առաջարկում, որտեղ կքննարկվեն Արցախի ու Հայաստանի առաջ ծառացած մի շարք խնդիրներին ու մարտահրավերներին վերաբերվող հրատապ հարցեր: Այս համատեքստում ակամա առաջանում է տրամաբանական հարց. Այս օրհասական պահին որտե՞ղ է Վեհափառ Հայրապետ, Ծայրագույն Պատրիարք և Ամենայն Հայոց Կաթողիկոսը և ինչո՞ւ առ այսօր Մայր Աթոռը հանդես չի եկել որևէ կոչով ու հորդորով… Ձայն բարբառո անապատի… Մայր Աթոռը լռում է… Ու՞ր է մեր հոգևոր առաջնորդն իր իր ազդեցիկ խոսքով, առաջարկներով հանդերձ…
