Արամ Աթեշյանը կրկին կլինի Կոստանդնուպոլիսի պատրիարքի տեղապահը, նա աջուձախ հայտարարում է, որ հայ համայնքն ընդունում է իրեն։ Բոլորի կողմից հարգված Գարեգին Բեքչյանը հեռացել է, քանի որ համայնքի մի մասը միավորվել է թուրքական իշխանությունների հետ։
Դրա հետ կապված` թուրքական «խուրալի» հայ պատգամավոր Կարո Փայլանը հայտարարել է Հայ առաքելական եկեղեցու Կոստանդնուպոլիսի պատրիարքարանի առաջնորդի նշանակման գործընթացին միջամտելու անթույլատրելիության մասին։ Twitter–ում Փայլանը նման գրություն է արել. «Պետությունը պատրիարքարանի հարկադիր կատարողին նշանակելու համար սովորելու արժանի ինտրիգներ կազմակերպեց: Բայց մենք հարկադիր կատարողին չենք ընդունի: Մենք ուզում ենք նոր պատրիարք ընտրել»։
Աթեշյանը համաձայն չէ դրա հետ և պնդում է, որ թուրքական ղեկավարությունը 550 տարի ազդել է պատրիարքարանի գործերին, և դա նորություն չէ։ «Պետությունը 1461թ–ին ստեղծել է պատրիարքարանը, և պատրիարքներից ոչ մեկը չի ընտրվել առանց պետության կամքի։ Մենք իրավունք չունենք խաղալ թուրքական պետության հետ», – ասել է նա։
