ԱՄՆ Միջազգային կրոնական ազատության հարցերով հանձնաժողովը (USCIRF) դատապարտել է Թուրքիայում գտնվող Սուրբ Թորոս պատմական հայկական եկեղեցու քանդումը:
«USCIRF-ը դատապարտում է Թուրքիայի Քյութախյա քաղաքում գտնվող Սուրբ Թորոս պատմական հայկական եկեղեցու քանդումը, չնայած այն հանգամանքին, որ այն ունի պահպանվող օբյեկտի կարգավիճակ»,- «Թվիթերում» նշել է USCIRF-ի փոխնախագահ Թոնի Պերքինսը: «Թուրքիան պետք է ապահովի իր բազմազան կրոնական եւ մշակութային ժառանգության պաշտպանությունը»,- հավելել է նա:
