…ԵՒ ՊԱՏՐԱՍՏ ԵՆՔ ՎՐԷԺԽՆԴԻՐ ԼԻՆԵԼՈՒ ԱՄԷՆ ԱՆՀՆԱԶԱՆԴՈՒԹԵԱՆ ՀԱՄԱՐ»։ (Բ ԿՈՐՆԹ. Ժ. 6):
Սուրբ Եկեղեցին Սուրբ Հոգով նվիրագործված Սիրով գործող (Գաղ. Ե 6) ու առ Միակ Փրկող Աստուծո (Սղմ. ԽԱ 6) հուսացած Հավատավորների Ամբողջությունն է, Որն և մեր Տեր Հիսուս Քրիստոսի Մարմինն է (Ա Կորնթ. ԺԲ 27), իսկ Գլուխը Տերն Ինքն է (Եփես. Ե 22, Կողոս. Ա 18):
Սուրբ Եկեղեցու Միության գրավականն է Տիրավանդ խոսքն ասված Սբ. Առաքյալների առթիվ. «Սակայն միայն նրանց համար չէ, որ աղաչում եմ, այլեւ նրանց խօսքի միջոցով բոլոր ինձ հաւատացողների համար, որպէսզի ամէնքը մի լինեն. ինչպէս դու, Հա՛յր, իմ մէջ, եւ ես՝ քո մէջ, որպէսզի նրանք էլ մեր մէջ լինեն, եւ որպէսզի աշխարհն էլ հաւատայ, թէ դո՛ւ ուղարկեցիր ինձ»։ (Յովհ. ԺԷ 20):
Մեր օրերում ի հայտ եկան ոմանք, որ «Մեր միջից ելան նրանք, բայց մեզնից չէին, որովհետեւ, եթէ մեզնից լինէին, ապա մեր մէջ էլ կը մնային։ Բայց մեզնից ելան, որպէսզի յայտնի լինէր, թէ նրանք ամէնքը մեզնից չեն»։ (Ա Յովհ. Բ 19):
