Երբ մոտ երկու շաբաթ առաջ Սերժ Սարգսյանն ընտրվեց ՀՀ վարչապետ, նրա մոտ որպես «Ամենայն հայոց կաթողիկոս» աշխատող Գարեգին Բ-ն նույն օրը շնորհավորական նամակ ուղարկեց եւ շնորհավորեց շեֆին նշանակման առիթով: Նույնկերպ ՀՀ նախագահ Արմեն Սարգսյանի երդմնակալության հանդիսության ժամանակ Գարեգին Բ-ն մի ամբողջ երկար պարբերություն իր օրհնության խոսքից, որն ավելի շատ միջին մակարդակի չինովնիկի ելույթ էր հիշեցնում, նվիրեց այն ժամանակ դեռ «վաստակյալ նախագահ» համարվող Սերժ Սարգսյանին: Երկու դեպքում էլ Գարեգին Բ-ի կողմից այնպիսի քծնանք եւ շողոքորթություն դրսեւորվեցին, այնպիսի դիֆերամբներ ձոնվեցին, որ եթե նա չամաչեր, երեւի կկարգադրեր Սերժ Սարգսյանի ոտքերի տակ գառներ մատաղ անել: Սակայն նույն հաջողությամբ, չհաշված երկու-երեք դրվագը, Գարեգին Բ-ն հիմա, մեղմ ասած, «իջել է ջրի հատակը, մինչեւ անցնի վտանգը»:
