Սամանթա Փաուերը, որը հայտնի է Պուլիտցերյան մրցանակ ստացած իր գրքով այն մասին, թե ինչպես են ամերիկյան վարչակազմերը քանիցս անհաջողության մատնվել ցեղասպանության հարցում, դավաճանել է իր բարոյական բրենդին, գրել է Մայքլ Ռուբինը Washington Examiner-ի հոդվածում։
Բարաք Օբամայի ընտրարշավի ժամանակ Փաուերը զբաղեցնում էր ղեկավար պաշտոն Օբամայի Ազգային անվտանգության խորհրդում, իսկ հետո դարձավ Ամերիկայի դեսպանը Միավորված Ազգերի Կազմակերպությունում Օբամայի երկրորդ ժամկետի ժամանակ։ Այժմ նա ԱՄՆ Միջազգային զարգացման գործակալության ղեկավարն է։ Նրա խոսքը կարող էր ավելի մեծ նշանակություն ունենալ, քան ցանկացած այլ պաշտոնյայի խոսքը։
